Չավուշօղլուն հերթական անգամ մեղադրում է Հայաստանին

Թուրքիայի արտգործնախարար Մևլութ Չավուշօղլուն հերթական անգամ Հայաստանին մեղադրել է սադրանքներ հրահրելու մեջ:

«Եթե տարածաշրջանում խաղաղություն ու կայունություն ենք ուզում, ապա Հայաստանը պետք է հրաժարվի սադրանքներից, համագործակցության ու խաղաղությանը միտված անկեղծ քայլեր անի»,- հայտարարել է նա՝ հավելելով, որ Ադրբեջանը չէր կարող անպատասխան թողնել դրանք:

Չավուշօղլուն ասել է, որ հայ-ադրբեջանական սահմանային բախումները ցույց են տալիս, թե ինչքան փխրուն է իրավիճակը տարածաշրջանում:

«Ադրբեջանը Հայաստանին խաղաղության պայմանագիր է առաջարկել, որին Հայաստանը երկար ժամանակ չէր պատասխանում: Մեր խորհուրդներով, Եվրամիության միջնորդությամբ արտգործնախարարներին հանձնարարվեց աշխատանք տանել: Մյուս կողմից սահմանների ճշգրտման համար սահմանազատման հանձնաժողով ստեղծվեց», - ասել է Չավուշօղլուն՝ պնդելով, թե «չնայած սրան, Հայաստանը ժամանակ առ ժամանակ սարդանքների է գնում»:

Հիշեցնենք` ադրբեջանական կողմը սեպտեմբերի 13-ի կեսգիշերից հայ - ադրբեջանական սահմանին ինտենսիվ ռազմական գործողություններ է հրահրել: