Խոշոր հրդեհ՝ Իջևանում․ ՊՆ ուղղաթիռն ու 102 հրշեջ-փրկարար փորձում են մարել կրակը

 Իջևան քաղաքի գինու գործարանի մոտակայքում բռնկված հրդեհի մարման աշխատանքներին մասնակցում են ՊՆ մեկ ուղղաթիռ և 102 հրշեջ-փրկարար։ Տեղեկությունը հայտնում է ՀՀ արտակարգ իրավիճակների նախարարությունը։

Նշվում է, որ սեպտեմբերի 2-ին հրդեհաշիջման աշխատանքները վերսկսելու նպատակով դեպքի վայր է մեկնել ԱԻՆ փրկարար ծառայության մարզային փրկարարական վարչության օպերատիվ խումբը և հրշեջ-փրկարարական ջոկատից 2 մարտական հաշվարկ։

Այրվում է մոտ 7-8 հա խոտածածկույթ։

Հիշեցնենք` օգոստոսի 31-ին` ժամը 13։25-ին, Տավուշի մարզային ճգնաժամային կառավարման կենտրոնն ահազանգ է ստացել, որ Իջևանի գինու գործարանի մոտակայքում այրվում է խոտածածկույթ: Երեկ դեպքի վայրում է գտնվել փրկարար ծառայության տնօրեն, փ/ծ գնդապետ Արմեն Գասպարյանը։