«Անհրաժեշտ է սառը ցնցուղ կազմակերպել». Ուկրաինայի վարչապետ
Ուրբաթ օրը DPA գործակալությանը տված հարցազրույցում Ուկրաինայի վարչապետ Դենիս Շմիգալը կոչ է արել Եվրամիությանն արգելել ռուս ուսանողներին և զբոսաշրջիկներին այցագրերի տրամադրումը և հայտարարել, որ անհնար է Ռուսաստանի քաղաքացիներին բաժանել «լավերի և վատերի»։
«Անհրաժեշտ է սառը ցնցուղ կազմակերպել ռուսական հասարակության համար՝ զբոսաշրջիկներին և ուսանողներին այցագրերի տրամադրման արգելքի տեսքով»,- փաստարկել է նա։
Ուկրաինայի վարչապետը նշել է, որ Ռուսաստանի որոշ քաղաքացիներ «գեղեցիկ կյանք են վարում Արևմուտքում, արձակուրդներն անցկացնում» այնտեղ։
