«Քննարկումը հեշտ չէր». Փաշինյանը` բրյուսելյան հանդիպման մասին
ՀՀ վարչապետ Նիկոլ Փաշինյանն այսօր կառավարության նիստում խոսեց Բրյուսելում տեղի ունեցած Փաշինյան-Միշել-Ալիև հանդիպումից։
Նա, մասնավորապես, նշեց.
«Քննարկումը ծավալուն է եղել, քննարկումը հեշտ չէր, բայց ես ուզում եմ արձանագրել, որ մեր նպատակադրումները շարունակում են մնալ ու պիտի շարունակեն մնալ այնպիսին, ինչի մասին ես հայտարարել եմ՝ ՀՀ կառավարությունը որդեգրել է խաղաղության օրակարգը ու այստեղ էլ մեզ վճռականություն է անհրաժեշտ այս օրակարգը կյանքի կոչելու համար։ Մենք պետք է հասկանանք, որ դա հեշտ չէ, պարզ չէ, հնարավոր լուծումներն էլ ակնհայտ չեն. մենք պետք է շարունակենք հետևողական աշխատել»:
Փաշինյանի խոսքով` հայ ժողովրդի ցանկությունն է, որ օր առաջ տարածաշրջանում հաստատվի տևական ու համապարփակ խաղաղություն։
«Մենք պետք է ավելի ու ավելի շատ կենտրոնանանք այս խնդրի լուծման վրա», - նշեց վարչապետը։
