ՏԵՍԱՆՅՈՒԹ. Զախարովան պատասխանել է ադրբեջանցի լրագրողի հարցին՝ «Զանգեզուրի միջանցքի» բացման վերաբերյալ
ՌԴ ԱԳՆ պաշտոնական ներկայացուցիչ Մարիա Զախարովան ամենաշաբաթյա ճեպազրույցի ժամանակ պատասխանել է ադրբեջանցի լրագրողի հարցին՝ կապված «Զանգեզուրի միջանցքի» բացման վերաբերյալ հարցին.
«Ես տեղեկություն չունեմ Թուրքիայի առևտրի նախարարության՝ ռուս գործընկերների հետ շփումների մասին: Կարող եմ միայն ասել, որ Ռուսաստանը շարունակում է բովանդակալից աշխատանքը Բաքվի և Երևանի հետ՝ Հարավային Կովկասում տրանսպորտային կապերն ապաշրջափակելու նպատակով և աշխատանքային գործունեության շրջանակներում։
Մենք նկատի ունենք կոնկրետ երթուղիների փաթեթային լուծման համաձայնություն, որը հիմնված կլինի Հայաստանի և Ադրբեջանի տարածքային ամբողջականության նկատմամբ հարգանքի վրա», - ասել է ՌԴ ԱԳՆ պաշտոնական ներկայացուցիչը։
