Դանիայի ԱԳ նախարարը Պուտինին անվանել է «արյունոտ, խղճուկ մարդ»

 Դանիայի արտաքին գործերի նախարար Յեպպե Կոֆոդը հինգշաբթի Կիևում ասել է, որ Պուտինը փոքր մարդ է բոլոր իմաստներով, և, հետևաբար, նա չի կարող հաղթել Ուկրաինայի հետ պատերազմում։

«Պուտինն ու Ռուսաստանի Դաշնությունը չեն հաղթի այս պատերազմում: Նրանք կպարտվեն: Նա փոքր մարդ է և՛ բառացիորեն, և՛ փոխաբերական իմաստով: Եվ արյունոտ, խղճուկ մարդու այս բոլոր հույսերը հանդիպեցին ուկրաինացիների զանգվածային և ոգեշնչված պայքարին», ասել է Դանիայի արտգործնախարարը, տեղեկացնում է BBC-ն։

«Մենք տեսնում ենք, թե ինչպես եք պաշտպանում ձեր երկիրը: Մենք տեսնում ենք, որ դուք կոտրել եք Ռուսաստանի ծրագրերը: Հաջորդ փուլում Ռուսաստանը վերջնականապես կպարտվի, Ուկրաինան կդառնա հաղթող: Այդ իսկ պատճառով մենք կշարունակենք փոխանցել անհրաժեշտ զինտեխնիկան և ապահովել ուսուցում ձեր զինվորականների համար», ասել է Յեպպե Կոֆոդը Ուկրաինայի արտգործնախարար Դմիտրի Կուլեբայի հետ համատեղ ասուլիսում։