Իրանը Ռուսաստանին անօդաչու թռչող սարքեր է մատակարարել. Սպիտակ տուն
ԱՄՆ վարչակազմը պնդում է, որ Իրանը Ռուսաստանին անօդաչու թռչող սարքեր է մատակարարել։ Այս մասին գրում է ТАСС-ը:
«Մեր գնահատմամբ՝ Ռուսաստանը օգոստոսին մի քանի օրում Իրանից ստացել է «Մոհաջեր-6» և «Շահեդ» շարքի անօդաչու թռչող սարքեր։ Ռուսական տրանսպորտային ինքնաթիռները բեռնվել են Իրանի օդանավակայանից մեկում անօդաչու թռչող սարքերով, այնուհետև Իրանից թռչել են Ռուսաստան։ Սրանք մեր գնահատականներն են»,- ասել է Սպիտակ տան մամուլի քարտուղար Կարին Ժան Պիերը։
Հիշեցնենք, որ հուլիսի վերջին Սպիտակ տան Ազգային անվտանգության խորհրդի (ԱԱԽ) ռազմավարական հաղորդակցության համակարգող Ջոն Քիրբին ասել էր, որ ԱՄՆ-ն ՌԴ ՊՆ-ն իրանական ռազմական անօդաչու թռչող սարքերի գնման որեւէ նշան չի տեսնում։
Իր հերթին Իրանի ԱԳՆ ներկայացուցիչ Նասեր Քանաանին հերքել էր ռուսական կողմին ԱԹՍ-ների հնարավոր փոխանցման մասին տեղեկությունը։ Դիվանագետը նաեւ հավելել էր, որ Իրանի դիրքորոշումն Ուկրաինայում տիրող իրավիճակի վերաբերյալ հստակ է եւ բազմիցս հնչեցվել է։
