«Մտադիր ենք ամրապնդել ռուս-հայկական դաշնակցային հարաբերությունները». ՌԴ ԱԳՆ
ՌԴ ԱԳՆ-ն երկկողմ փաստաթղթի ստորագրման 25-ամյակի կապակցությամբ տարածել է հայտարարություն, որի մեջ ասվում է, որ Մոսկվա-Երևան կապերի ամրապնդումը ծառայում է ժողովուրդների կենսական շահերին և Հարավային Կովկասի կայունությանը։
«Անցած ժամանակահատվածը համոզիչ կերպով ցույց տվեց, որ Մոսկվայի և Երևանի միջև պատմական կապերի հետագա ամրապնդումը լիովին համապատասխանում է մեր ժողովուրդների կենսական շահերին, ծառայում է երկու երկրների սոցիալ-տնտեսական զարգացման, Հարավային Կովկասի կայունության ամրապնդման նպատակներին», - ասված է հայտարարության մեջ:
Տարածված հայտարարության մեջ նաև նշված է.
«Անկեղծորեն թանկ ենք գնահատում եղբայրական Հայաստանի հետ բարեկամությունը և մտադիր ենք ամրապնդել ռուս-հայկական դաշնակցային հարաբերությունները հանուն մեր երկրների և ժողովուրդների բարգավաճման»:
Դրանում նաև ասվում է, որ Մոսկվան Ռուսաստանի և Հայաստանի միջև բարեկամության, համագործակցության և փոխադարձ օգնության մասին պայմանագիրը կարևոր հանգրվան է համարում երկկողմ գործընկերությունը իսկական դաշնակցային մակարդակի բարձրացնելու ճանապարհին:
