«Գերմանիայի նպատակն է համոզվել, որ Ուկրաինան կարող է երկար ժամանակ պաշտպանվել». Շոլց
Գերմանիայի կանցլեր Օլաֆ Շոլցն առաջիկա շաբաթներին Ուկրաինային նոր ժամանակակից սպառազինություն է խոստացել։ Այս մասին գրում է ՌԻԱ Նովոստին:
«Առաջիկա շաբաթների և ամիսների ընթացքում Ուկրաինան մեզանից նոր ժամանակակից սպառազինություն կստանա՝ հակաօդային պաշտպանություն, ռադիոտեղորոշիչ համակարգեր, հետախուզական անօդաչու սարքեր»,- ասել է Շոլցը: Նա հավելել է, որ Գերմանիայի նպատակն է համոզվել, որ Ուկրաինան կարող է երկար ժամանակ պաշտպանվել։
Ռուսաստանը նախկինում նոտա է հղել ՆԱՏՕ-ի երկրներին՝ Ուկրաինային զենք մատակարարելու պատճառով։ Ռուսաստանի արտգործնախարար Սերգեյ Լավրովը նշել է, որ ցանկացած բեռ, որը զենք է պարունակում Ուկրաինայի համար, օրինական թիրախ կդառնա Ռուսաստանի համար։
