ՏԵՍԱՆՅՈՒԹ․ Ռուս խաղաղապահներն ապամոնտաժում են Լաչինի միջանցքում տեղադրված անցակետերը
Ռուս խաղաղապահները ապամոնտաժում են Լաչինի միջանցքում տեղադրված իրենց անցակետերը, շինությունները, որտեղ ապրում էին ռուս զինծառայողները եւ պատրաստվում են վերատեղաբաշխման։ Այս մասին գրում է ադրբեջանական АПА գործակալությունը և կից ներկայացնում տեսանյութ։
Խաղաղապահները տեղափոխվում են Լաչինի շրջակայքում Ադրբեջանի կողմից կառուցված նոր ճանապարհ, որտեղ շարունակելու են ծառայել։
Սպասվում է, որ օգոստոսի 25-ին Լաչին քաղաքը, ինչպես նաեւ Աղավնո եւ Սուս գյուղերը կանցնեն Բաքվի վերահսկողության տակ:
Ադրբեջանական լրատվամիջոցները հատուկ շեշտում են, որ նոր ճանապարհի վրա ռուս խաղաղապահները գործելու են ժամանակավորապես։
