Ուռուտ գյուղի 71–ամյա բնակչի տանը կանեփ ու թմրամիջոց է հայտնաբերվել

Օգոստոսի 19–ին քրեական ոստիկանության թմրամիջոցների անօրինական շրջանառության դեմ պայքարի եւ Լոռու մարզային վարչությունների ու Ստեփանավանի բաժնի ծառայողների համատեղ ձեռնարկած միջոցառումների արդյունքում տեղեկություններ են ստացվել, որ Լոռու մարզի Ուռուտ գյուղի բնակիչն իր տան բակում կանեփ է աճեցնում։

Նախաձեռնված քրեական վարույթի շրջանակում,  օգոստոսի 20–ին, ոստիկանները զննություն են իրականացրել Ուռուտ գյուղի 71–ամյա բնակչի տանը, որի բակում հայնտաբերվել է 42 բույս, բացի այդ տանտերը տանիքից ներկայացրել է կանեփանման չորացված 171 բույս, կանեփանման զանգվածով երկու տարա՝ նմանատիպ զանգվածի խառնուրդով։

Նշանակվել են փորձաքննություններ, նախաքննությունը շարունակվում է։