Իսրայելն ու Թուրքիան լիովին վերականգնում են դիվանագիտական հարաբերությունները
Իսրայելի և Թուրքիայի ղեկավարները պայմանավորվել են դիվանագիտական հարաբերությունները վերականգնել ամբողջ ծավալով և երկու երկրների դեսպաններին մայրաքաղաք վերադարձնել: Այս մասին հայտնել է Իսրայելի վարչապետի գրասենյակը։
«Վարչապետ Յաիր Լապիդի և Թուրքիայի նախագահ Ռեջեփ Թայիփ Էրդողանի միջև զրույցից հետո Իսրայելն ու Թուրքիան լիովին վերականգնում են դիվանագիտական հարաբերությունները»,-ասվում է հայտարարության մեջ:
ԱԳՆ-ի գծով շփումների ընթացքում «որոշում է ընդունվել երկու երկրների միջև հարաբերությունների մակարդակը բարձրացնել մինչև դիվանագիտական հարաբերություններն ամբողջ ծավալի ու վերադարձնել երկու երկրների դեսպաններին և գլխավոր հյուպատոսներին»,-հավելել են վարչապետի գրասենյակից:
