Մեծ Բրիտանիայում 5000 մեքենավար գործադուլ Է հայտարարել

Անգլիայում հազարավոր մեքենավարներ գործադուլ են սկսել՝ պահանջելով աշխատավարձի բարձրացում։ Ամբողջ երկրում մոտ 5 հազար մեքենավար որոշել է 24-ժամյա գործադուլ կազմակերպել՝ պահանջներ ներկայացնելով 7 երկաթուղային ընկերությունների դեմ: Գործադուլի պատճառով ուղևորներից շատերը տուժել են ուղևորությունների խնդիրների պատճառով: Տրանսպորտի նախարարը Լոնդոնի Times-ում իր գրած հոդվածում «մարտնչող արհմիութենական առաջնորդներին» մեղադրել է անհրաժեշտ բարեփոխումներին դիմադրելու մեջ, միաժամանակ արհմիությունները կառավարության հասցեին մեղադրանքներ են հնչեցնում: 

ASLEF արհմիության առաջնորդը հայտարարել է, որ երկաթուղայինները երեք տարվա ընթացքում հավելավճար չեն ստացել: Նա հավելել է, որ աշխատողները միայն աշխատավարձի «իրական» բարձրացում են պահանջում։ Օգոստոսին երկրում նոր գործադուլներ են նախատեսված։