ԱԻՆ-ը` ռուսական 102-րդ ռազմաբազայի տարածքում բռնկված հրդեհի մասին. թարմացված
Ինչպես արդեն հայտնել էինք, այսօր ժամը 15։55-ին Շիրակի մարզային ճգնաժամային կառավարման կենտրոն ահազանգ է ստացվել, որ Գյումրի քաղաքի թիվ N զորամասերից մեկի տարածքում հրդեհ է բռնկվել: Պարզվել է, որ այրվում է շինանյութերի պահեստը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհաշիջման աշխատանքներին աջակցել են Գյումրու քաղաքապետարանի երկու ջրատար ավտոմեքենա։
Հրդեհը մեկուսացվել է ժամը 19:09-ին:
