«Ժողովրդին կհորդորեի նախապատրաստվել». Ժիրայր Սեֆիլյան
«Մեր ընկերները բանտից առաջին ուղերձն ուղղեցին՝ բոլորիս հորդորելով չզբաղվել ուղղակի իրենց ազատելու գործով, այլ գործունեությունը շարունակել՝ նպատակին հասնելու ուղղությամբ»,- ԱԺԲ ասուլիսի ժամանակ ասել է Բևեռի խորհրդի անդամ Ժիրայր Սեֆիլյանը:
«Այս անգամ մեր ժողովուրդն իսկական հեղափոխության ականատեսն է լինելու, և առիթից օգտվելով՝ մեր ժողովրդին կհորդորեի հոգեպես նախապատրաստվել ընդվզման, ինչու չէ՝ ապստամբության: Եթե նախորդ անգամ մեզ չհաջողվեց ժողովրդի ձեռքերի վրա «Սասնա ծռերին» բանտերից դուրս բերել, այս անգամ վստահ եմ՝ հայ ժողովրդին դա հաջողվելու է»,- ասել է Սեֆիլյանը:
Սեֆիլյանն անդրադարձել է նաև այսօրվա ընդդիմությանը և նշել․ «Շատերն են ականատես, թե կեղծ ընդդիմություն կոչեցյալն ինչպես է խանգարում մեզ: Նրա գործառույթներից մեկը երրորդ ուժի ճեղքում կատարելը թույլ չտալն է, բայց Բևեռը կգտնի այդ խոչընդոտները շրջանցելու ձևը»։ |
