«ԼՂ հակամարտության սկզբունքները տեսնում ենք հետևյալ կերպ...». Արայիկ Հարությունյան

Արցախի Հանրապետության ԱԺ նիստի ժամանակ իր ելույթում Արցախի նախագահ Արայիկ Հարությունյանն ասաց, որ ԼՂ հակամարտությունը պետք է կարգավորվի խաղաղ ճանապարհով, սակայն Ադրբեջանի կազմում ցանկացած կարգավիճակ անընդունելի է։ 

«Մեր նպատակն է հասնել անկախության միջազգային ճանաչման` Արցախի ժողովրդի ինքնորոշման իրավունքի անվերապահ իրացման միջոցով։ ԼՂ հակամարտության սկզբունքները տեսնում ենք հետևյալ կերպ` բանակցային ճանապարհ, տեղահանվածների վերադարձ հայրենի տներ, ԵԱՀԿ Մինսկի խմբի միջազգային առաքելության պահպանում, սակայն ՌԴ առաջնային դերակատարությամբ»,– ընդգծեց ԱՀ նախագահը։

Վերջինս նշեց, որ պետք է դուրս բերել Արցախի Հանրապետությունը միջազգային մեկուսացումից։

ԱՀ նախագահի խոսքով` կշարունակեն ջանքեր գործադրել Արցախի միջազգային ճանաչման համար` նոր հաջողություններ արձանագրելով նահանգային մակարդակի ճանաչման ակտերի ընդունման առումով։