Գերիների փոխանակում` Պուտինի անմիջական ցուցումով
ՌԴ պաշտպանության նախարարության պաշտոնական ներկայացուցիչ, գեներալ-լեյտենանտ Իգոր Կոնաշենկովը հայտնել է, որ Ռուսաստանի և Ուկրաինայի միջև «144-ը 144-ի դիմաց» սկզբունքով ռազմագերիների փոխանակում է տեղի ունեցել։
«Երեկ՝ հունիսի 29-ին, տեղի է ունեցել զինծառայողների փոխանակում, որը կազմակերպվել և անցկացվել է Ռուսաստանի Դաշնության ԶՈւ գերագույն գլխավոր հրամանատարի անմիջական ցուցումով, քանի որ մեր զինծառայողների, Դոնեցկի և Լուգանսկի Ժողովրդական Հանրապետությունների մարտիկների կյանքը, առողջությունը և ազատ արձակումը ամենագլխավոր խնդիրն է», - ասել է Կոնաշենկովը։
Կոնաշենկովն ընգծել է, որ գրեթե բոլոր ազատվածները վիրավորներ են կամ ծանր վիրավորներ։ Նրանց արդեն անհրաժեշտ բուժօգնություն է ցուցաբերում։
«Հիշեցնեմ, որ Ուկրաինայի գերեվարված կամ գերի հանձնված զինծառայողների ընդհանուր թիվը ավելի քան վեց հազար է», - նշել է Կոնաշենկովը:
