«Եթե Պուտինը ճիշտ քայլեր անի...». ԱՄՆ-ից ասել են` երբ կավարտվի պատերազմը

Ռուսաստանի նախագահ Վլադիմիր Պուտինի՝ Ուկրաինան գրավելու նախնական ծրագիրը պահպանվում է, և Մոսկվան շարունակելու է հարձակումը։ Այս մասին Bloomberg-ին տված հարցազրույցում հայտարարել է Պենտագոնի խոսնակ Ջոն Քիրբին:

Մեկնաբանելով Ուկրաինայի նախագահի հայտարարությունն այն մասին, որ պատերազմը կարող է ավարտվել մինչև 2022 թվականի վերջը, Քիրբին նշել է, որ չի կիսում Վլադիմիր Զելենսկու լավատեսությունը:

ԱՄՆ պաշտպանական գերատեսչության խոսնակը կարծիք է հայտնել, որ պատերազմը կարող է ավարտվել այսօր, եթե «Պուտինը ճիշտ քայլեր անի», բայց Կրեմլի ղեկավարը, ըստ Քիրբիի, բանակցելու մտադրություն չի ցուցադրում:

Նրա խոսքով՝ նման հանգամանքներում ԱՄՆ-ը կշարունակի օգնել Ուկրաինային և ամրապնդել նրա պաշտպանությունը:

Հիշեցնենք` ավելի վաղ ՌԴ նախագահի մամուլի խոսնակ Դմիտրի Պեսկովն ասել էր, որ ուկրաինական կողմը կարող է ամեն ինչ դադարեցնել մինչև ընթացիկ օրվա վերջ։ Պետք է հրաման, որպեսզի ազգայնական ստորաբաժանումները վայր դնեն զենքերը, հրաման, որ ուկրաինացի զինվորականները վայր դնեն զենքերը, պետք է կատարվեն Ռուսաստանի Դաշնության պայմանները։ Ամեն ինչ կարող է ավարտվել մինչև օրվա ավարտը