Հայտնի է, թե որ հարցերում են Երևանն ու Բաքուն «մերձեցրել դիրքորոշումները»
Տարածաշրջանային հաղորդակցությունների ապաշրջափակման հարցերով Հայաստանի, Ադրբեջանի և Ռուսաստանի փոխվարչապետների մակարդակով աշխատանքային խումբը կարողացել է մերձեցնել Երևանի և Բաքվի դիրքորոշումները շատ հարցերի, մասնավորապես՝ սահմանային և մաքսային հսկողության վերաբերյալ։ Այս մասին ՏԱՍՍ-ի թղթակցին ասել է Հայաստանի փոխվարչապետ Մհեր Գրիգորյանը։
«Կառուցողական եմ համարում Հարավային Կովկասում տրանսպորտային կապերի ապաշրջափակման եռակողմ աշխատանքային խմբի գործունեությունը: Սա, իհարկե, բարդ աշխատանք է, բայց պետք է նշեմ, որ կողմերին հաջողվում է մոտեցնել իրենց դիրքորոշումները սահմանային և մաքսային հսկողության բազմաթիվ հարցերի շուրջ, ինչպես նաև Հայաստանի և Ադրբեջանի տարածքներով ճանապարհներով և երկաթգծերով քաղաքացիների, տրանսպորտային միջոցների և բեռների անվտանգ անցման հարցում»,- ասել է նա։
Գրիգորյանի խոսքով՝ «այս պահին փորձագիտական ենթախմբերը շարունակում են ճանապարհային ու երկաթուղային ենթակառուցվածքների վերականգնման ու հետագա օգտագործման հետ կապված հարցերի մշակումը»։
Տարածաշրջանային հաղորդակցությունների ապաշրջափակման մասին պայմանավորվածությունը ձեռք է բերվել 2021 թվականի հունվարի 11-ին Մոսկվայում Ռուսաստանի, Հայաստանի և Ադրբեջանի ղեկավարների հանդիպման ժամանակ։ Այնուհետև այդ նպատակով որոշվել է երեք երկրների փոխվարչապետների մակարդակով ստեղծել աշխատանքային խումբ, որը կկենտրոնանա տարածաշրջանում տրանսպորտային և տնտեսական կապերի հաստատման վրա։
Նմանատիպ հոդվածներ
Ադրբեջանից արձագանքել են Փաշինյանի հայտարարություններին
Կանադան դեսպանատուն կբացի Հայաստանում
ԿԱՐևՈՐ. ՔՊ-ն որոշել է Սաղաթելյանին հեռացնել ԱԺ փոխնախագահի պաշտոնից
Ջհանգիրյանը հրաժարական է տվել. ո՞րն է պատճառը
Ավելին Քաղաքականություն բաժնից
Իրավիճակը լարված է․ Իրանում բարձրաստիճան սպաներ են զոհվել․ Tasnim
«Մեր ձևով»-ը կամ Գագիկ Ծառուկյանը կմրցեն ընդդիմադիր ուժ լինելու համար. Ալեն Սիմոնյան
ՏԵՍԱՆՅՈՒԹ․ Ջրանջատումներ կլինեն․ 7 ժամի փոխարեն կունենանք 3-4 ժամ․ Ղալամքարյան
