Կանադան դեսպանատուն կբացի Հայաստանում
Կանադայի կառավարությունն այսօր հայտարարեց, որ դեսպանություն է բացելու Երևանում։ Այս մասին հայտնում է Տորոնտոյի Հայկական բարեգործական ընդհանուր միությունը (АGBU):
Միության ֆեյսբուքյան էջում մասնավոապես գրված է.
«Հայաստանի մայրաքաղաքում դեսպանության հիմնումը առանցքային հանգրվան է երկու բարեկամ ժողովուրդների հարաբերություններում։ Այս ձեռքբերումը միշտ եղել է կանադահայ համայնքի առաջնահերթությունը և գլխավոր խնդրանքը: Շատ ակտիվիստներ այս տարիների ընթացքում մշտապես առաջ են քաշել Կանադայի դեսպանատան ստեղծմանը՝ որպես երկու երկրների միջև երկկողմ հարաբերությունները խթանելու ամենաազդեցիկ նախաձեռնությունը: Այս կարևոր առիթով մենք շնորհավորում ենք բոլոր այն կազմակերպություններին, ովքեր անխոնջ աշխատեցին այս իրագործման համար»,- գրել է Տորոնտոյի Հայկական բարեգործական ընդհանուր միությունը։
