Անձրև և ամպրոպ, տեղ-տեղ՝ կարկուտ. ինչ եղանակ սպասել առաջիկա օրերին

Հայաստանի առանձին վայրերում հունիսի 24-ին գիշերը եւ օրվա երկրորդ կեսին սպասվում են անձրեւներ եւ ամպրոպ, տեղ-տեղ՝ կարկուտ։ Ամպրոպի ժամանակ օդերեւութաբանները կանխատեսում են հարավարեւելյան քամու ուժգնացում՝ մինչեւ 18-23 մ/վրկ։ 

Օդի ջերմաստիճանը մինչեւ հաջորդ շաբաթվա սկիզբը էապես չի փոխվի։ Ինչպես հայտնում են «Հայպետհիդրոմետ»-ից, Երեւանում գիշերը եւ օրվա երկրորդ կեսին սպասվում են կարճատեւ անձրեւներ եւ ամպրոպ։ Ամպրոպի ժամանակ եւ երեկոյան ժամերին սպասվում է քամու ուժգնացում՝ մինչեւ 17-20 մ/վրկ։ 

Առաջիկա գիշերը մայրաքաղաքում կլինի +14 +16, վաղը ցերեկը՝ +30 +32 աստիճան։