Ռուսաստանը անհրաժեշտության դեպքում Աֆղանստանին հացահատիկ կհատկացնի
Ռուսաստանի Դաշնության նախագահ Վլադիմիր Պուտինը հավանություն է տվել անհրաժեշտության դեպքում հացահատիկի հրատապ խմբաքանակ ուղարկել Աֆղանստան, հունիսի 14-ին ռուսական Առաջին ալիքի եթերում ասել է Աֆղանստանի հարցով ՌԴ ղեկավարի հատուկ բանագնաց, ԱԳՆ ասիական երկրորդ վարչության տնօրեն Զամիր Քաբուլովը։
Նրա խոսքով, պետության ղեկավարը «սկզբունքորեն հավանություն է տվել անհրաժեշտության դեպքում հացահատիկի որոշակի քանակ հատկացնել՝ հաշվի առնելով Ռուսաստանում սպասվող լավ բերքը»։
Քաբուլովը բացատրել է, որ Աֆղանստանում ծանր տնտեսական իրավիճակը «կարող է վատթարանալ այս ամառ՝ կապված այն բանի հետ, որ անցած ձմեռը շատ ձյունառատ չէր, բերքահավաքի հեռանկարները հիասթափեցնող են»։
