Խոշոր հրդեհ` Արարատում. Mercedes-ում հրդեհ է բռնկվել, այն վերածվել է մոխրակույտի
Այսօր՝ հունիսի 8-ին, խոշոր հրդեհ է տեղի ունեցել Արարատի մարզում: Ժամը 16:00-ի սահմաններում Երևան-Երասխ ավտոճանապարհի 20-րդ կմ հատվածում՝ Մխչյան գյուղի վարչական տարածքում, դեռևս անհայտ հանգամանքներում հրդեհ է բռնկվել Երևանի բնակիչ, 42-ամյա Արտակ Բրուտյանին պատկանող Mercedes մակնիշի ավտոմեքենայում:
Ինչպես հայտնում է shamshyan.com-ը, hրշեջ-փրկարարները մարել են ավտոմեքենայում առաջացած կրակը, սակայն այն ամբողջովին վերածվել է մոխրակույտի: Ըստ նախնական տեղեկությունների ՝բարեբախտաբար, տուժածներ չկան: Տեղում ուժեղացված ծառայություն են կատարել ճանապարհային ոստիկանության 2-րդ սպայական գումարակի 1-ին վաշտի 2-րդ դասակի տեսուչները:
