«Ստացել եմ պաշտպանության նոր փաթեթի հաստատում». Զելենսկին ու Ջոնսոնը հեռախոսազրույց են ունեցել
Ուկրաինայի նախագահ Վլադիմիր Զելենսկին ասել է, որ Մեծ Բրիտանիայի վարչապետ Բորիս Ջոնսոնի հետ քննարկել է Ուկրաինայի անվտանգության երաշխիքների, նավահանգիստների ապաշրջափակմանն ուղղված աշխատանքների ակտիվացումը, ինչպես նաև ստացել է «պաշտպանության ընդլայնված աջակցության նոր փաթեթի» հաստատում։
«Ես զրույց եմ ունեցել Բորիս Ջոնսոնի հետ։ Ես տեղեկացրել եմ ռազմաճակատում տիրող իրավիճակի մասին։ Ստացել եմ պաշտպանության ուժեղացված աջակցության նոր փաթեթի հաստատում։ Մենք անդրադարձել ենք անվտանգության երաշխիքների վրա աշխատանքի ուժեղացման խնդրին»,- գրել է Զելենսկին Twitter-ում։
Վերջինիս խոսքով՝ կողմերը քննարկել են նաև աշխարհում պարենային ճգնաժամից խուսափելու և ուկրաինական նավահանգիստների ապաշրջափակման ուղիները։
