Արևմուտքն օգտագործում է Ուկրաինան որպես պատրվակ. Լավրով
Ռուսաստանի արտգործնախարար Սերգեյ Լավրովը հայտարարել է, որ արևմտյան երկրները փորձում են տարածել իրենց գերակայությունը՝ օգտագործելով Ուկրաինայում տիրող իրավիճակը։ Այս մասին նա հայտարարել է Իսլամական համագործակցության կազմակերպության (ԻՀԿ) գլխավոր քարտուղար Հուսեյն Իբրահիմ Թահայի հետ հանդիպմանը, փոխանցում է ТАСС-ը:
Ինչպես ասել է Լավրովը՝ այս պահին ստեղծվում է բազմաբևեռ աշխարհ, սակայն արևմտյան առաջնորդները փորձում են կանխել դա՝ ցանկանալով իրենց գերակայությունը տարածել այլ տարածաշրջանների վրա։
«Փորձում են մոբիլիզացնել բոլոր մյուս երկրներին իրենց դրոշների ներքո՝ օգտագործելով Ուկրաինան և երկրի շուրջ ստեղծված իրավիճակը որպես պատրվակ», - հավելել է դիվանագետը:
Ավելի վաղ Սերգեյ Լավրովը ժամանել էր Սաուդյան Արաբիայի մայրաքաղաք Էր Ռիադ՝ Պարսից ծոցի երկրներ կատարած այցի շրջանակներում։
