«Ընդունվել է ավելի քան 30 հակաճգնաժամային որոշում». Պուտին
Եվրասիական տնտեսական բարձրագույն խորհրդի առցանց նիստում ՌԴ նախագահ Վլադիմիր Պուտինը հայտարարեց.
«2022-ի մարտից սկսած Եվրասիական տնտեսական հանձնաժողովի (ԵՏՀ) կողմից ընդունվել է ավելի քան 30 հակաճգնաժամային որոշում` ուղղված սահմանափակումների հետևանքների մեղմմանը, մակրոտնտեսական կայունության ամրապնդմանը՝ գործարարներին ու քաղաքացիներին աջակցելու համար»։
Պուտինի խոսքով` միայն մաքսային ոլորտում մարտ ամսից սկսած հաստատվել է միջոցառումների 3 փաթեթ` ուղղված ավելի քան 1600 ապրանքատեսակների ներկրման մաքսատուրքերի զրոյացմանը։ Դրանց արդյունքում ներկրողների խնայողությունն առաջիկա կես տարում կարող է հասնել շուրջ 800 մլն դոլարի:
ՌԴ նախագահը նաև հիշեցրեց, որ գնաճը զսպելու համար ԵՏՀ-ի որոշմամբ զրոյացվել է նաև ֆիզիկական անձանց անձնական օգտագործման համար մինչև 1000 եվրո արժեքով ապրանքների ներկրման համար մաքսատուրքերը։
Վերջինս անդրադարձավ նաև պարենային անվտանգության խնդրին` հայտարարելով, որ միության ադամ 5 երկրները պարենամթերքի ներքին արտադրության հաշվին լիովին ապահովում են ներքին շուկայի ամբողջ պահանջարկը։
