Փոխոստիկանապետը՝ Երևանում իրականացվող ցույցերի մասին
Հայաստանի փոխոստիկանապետ Արա Ֆիդանյանը հերքել է ընդդիմության ներկայացուցիչների հայտարարությունները, թե Երևանը կաթվածահար է եղել ցույցերի հետևանքով։ Ֆիդանյանը նման հայտարարություն է արել ԱԺ պաշտպանության և անվտանգության հարցերով հանձնաժողովի նիստում։
«Բնականաբար, ո՛չ Երևանը, ո՛չ պետական որևէ կառույց կաթվածահար չէ։ Ոստիկանությունը շատ հստակ է կատարում իր գործառույթները, և ի պատիվ նրանց, պետք է ասեմ, որ մինչ այժմ իրավապահների գործողությունները հիմնականում եղել են օրենքի շրջանակներում»,- ասաց Ֆիդանյանը։
Նրա խոսքով` անհնազանդության ակցիաները շարունակվում են շուրջ 20 օր, սակայն մինչ այժմ ոստիկանությունը հատուկ միջոցներ չի կիրառել։
