Ալիևը՝ Հայաստանի հետ հարաբերությունների մասին
Ադրբեջանի նախագահ Իլհամ Ալիևը հաստատել է Հայաստանի հետ խաղաղության պայմանագիր կնքելու Բաքվի հանձնառությունն ու պատրաստակամությունը, փոխանցում են ադրբեջանական լրատվականները։
«Այսօր մենք քննարկել ենք իրավիճակը տարածաշրջանում, Ադրբեջանի և Հայաստանի միջև հարաբերությունների կարգավորման գործընթացը։ Ես գիտեմ, որ Ադրբեջան կատարած Ձեր այցից հետո Դուք (Լիտվայի Նախագահը - Ի.Ֆ.) կայցելեք Հայաստան։ Այսպիսով, վստահ եմ, որ այցից հետո դուք ամբողջական կարծիք կկազմեք։ Մեր դիրքորոշումը շատ բաց է։ Մենք ցանկանում ենք խաղաղության պայմանագիր կնքել Հայաստանի հետ. Մենք ցանկանում ենք կարգավորել հարաբերությունները և շրջել թշնամանքի էջը»,- չորեքշաբթի օրը Բաքվում ասել է Ալիևը լիտվացի գործընկեր Գիտանաս Նաուսեդայի հետ բանակցություններում։
Հիշեցնենք՝ արդեն 1 տարի է, որ ադրբեջանական զորքերը ներուժել են ՀՀ սուվերեն տարածք ու չեն հեռանում՝ այս ֆոնին Ալիևը խոսում է թշնամանքի էջը շրջելու մասին։
