ԱՄՆ-ն հետախուզությանը արգելել Է Ուկրաինային փոխանցել ՌԴ մասին որոշ տեղեկություններ
Վաշինգտոնը միլիարդավոր դոլարների զենք է ուղարկում Ուկրաինա՝ հրապարակավ եւ մասնրամասն թվարկելով քանակությունը: Սակայն ԱՄՆ-ն շատ ավելի զգույշ է, երբ նկարագրում է մեկ այլ նշանակալի ներդրում Ուկրաինայի հաջողության մեջ՝ հետախուզական տվյալներ ռուսական զինված ուժերի մասին: Ինչպես փոխանցում է Readovka-ն՝ գրում է Washington Post-ը:
ԱՄՆ-ի և Ուկրաինայի պաշտոնյաներն անանունության պայմանով հայտնել են, որ ռուսական զորքերի տեղակայման և տեղաշարժի մասին տեղեկատվությունը Ուկրաինա է հասնում իրական ժամանակում:
Վաշինգտոնի և Մոսկվայի միջև լարվածության աճից խուսափելու համար ԱՄՆ վարչակազմը մշակել է հետախուզական տեղեկատվության փոխանակման ուղեցույց, որը սահմանում է երկու ընդհանուր արգելք, որոնք ԱՄՆ-ը կարող է կիսել Ուկրաինայի հետ:
Նախ, ԱՄՆ-ը չի կարող մանրամասն տեղեկատվություն տրամադրել, որը կօգնի սպանել ռուսական հրամանատարության ներկայացուցիչներին: Այս կատեգորիայի մեջ են մտնում, մասնավորապես, զինված ուժերի գլխավոր շտաբի պետ Վալերի Գերասիմովը և պաշտպանության նախարար Սերգեյ Շոյգուն։
Երկրորդ կատեգորիան վերաբերում է ցանկացած տեղեկատվության, որը կօգնի Ուկրաինային հարձակվել ուկրաինական սահմաններից դուրս ռուսական թիրախների վրա, ասել են աղբյուրները։ Այս կանոնը մասամբ նպատակ ունի թույլ չտալ, որ Միացյալ Նահանգները դառնա հարձակումների կողմ, որոնք Ուկրաինան կարող է ձեռնարկել ռուսական հողի վրա:
