Մոսկվայի կենտրոնում հոկեյիստի են սպանել
ՌԴ-ի մայրաքաղաք Մոսկվայի կենտրոնում հոկեյիստի են սպանել: Միջադեպը տեղի է ունեցել Նիկոլոյամսկայա փողոցում։ Սրճարաններից մեկում կոնֆլիկտից հետո 22-ամյա Ռոման Դիդուրը դուրս է եկել փողոց, որտեղ հակառակորդից դանակի հարված է ստացել կրծքին։ Մարզիկը մահացել է մինչ բժիշկների ժամանումը։ Ոստիկանները երեք ժամում պարզել են հանցագործի ինքնությունը եւ ձերբակալել նրան։ Մարդասպանը գտնվել է նույն փողոցի վարձակալած բնակարանում։ 37-ամյա գործարար Արմեն Կույումջին այժմ գտնվում է ՔԿ-ում։
