Մբապեն գերազանցեց Մեսսիին, բայց ռեկորդից ավելի կարևոր բան էր ուզում

Ֆրանսիայի հավաքականի ավագ և հարձակվող Կիլիան Մբապեն խոսել է աշխարհի առաջնությունների պատմության լավագույն ռմբարկու դառնալու մասին։

Ֆրանսիացի ֆուտբոլիստը Մունդիալներում իր 22-րդ խաղում խփել է 22-րդ գոլը՝ գերազանցելով Արգենտինայի հավաքականի ավագ Լիոնել Մեսսիի ցուցանիշը, որի հաշվին 21 գոլ կա։

«L’Équipe»-ի հետ զրույցում Մբապեն նշել է, որ նման ռեկորդը կարևոր ձեռքբերում է, սակայն իր համար առաջնայինը թիմի հաջողությունն է։

«Լեոն անընդհատ գոլեր է խփում։ Եզրափակիչում նա հաստատ աչքի կընկնի։ Ես պարզապես փորձում եմ օգնել իմ թիմին գոլեր խփել։ Իհարկե, երբ աշխարհի առաջնություններում այսքան շատ ես գոլ խփում, դա քեզ նոր մակարդակի վրա է բարձրացնում։ Բայց ես կգերադասեի չլինել մրցաշարի պատմության լավագույն ռմբարկուն, փոխարենը՝ խաղալ վաղվա եզրափակիչում»,– ասել է Մբապեն։

Նա ընդգծել է, որ ռեկորդը գնահատելի է, սակայն այս պահին կենտրոնացած է ոչ թե անձնական նվաճումների, այլ թիմի առաջադրանքների վրա։

Հիշեցնենք՝ ԱԱ-2026-ի եզրափակիչում Իսպանիայի հավաքականը կմրցի Արգենտինայի ընտրանու հետ։ Հանդիպումը կկայանա այսօր՝ հուլիսի 19-ին, Երևանի ժամանակով 23:00-ին։