Վրաստանում ռուս զբոսաշրջուհու քիթը կոտրած տղամարդը ձերբակալվել է

Մոսկվայից ժամանած ուկրաինուհու քիթը կոտրել են Վրաստանում․ հայտնի են միջադեպի մանրամասները։

Պոլինան, որը երկար տարիներ ապրում է Ռուսաստանում, մեկնել էր Վրաստան՝ հանդիպելու Ուկրաինայից ժամանած ընկերուհիների հետ։

Սոցցանցերում տարածված տեղեկությունների համաձայն՝ աղջիկները հյուրանոցում դժգոհել են ներքևում անցկացվող հարսանիքի բարձր երաժշտությունից և, ականատեսների պնդմամբ, անհարգալից են վերաբերվել հյուրերին։

Այդ պատճառով տղամարդը բարձրացել է նրանց դիտողություն անելու։ Վիճաբանության ընթացքում աղջիկներից մեկը պահանջել է, որ նա խոսի ռուսերեն, ինչից հետո տղամարդը հարվածել է նրան։

Տուժած աղջիկը դեմքի վնասվածքներ է ստացել, այդ թվում՝ քթի կոտրվածք։ Վրացի տղամարդուն ոստիկանությունը ձերբակալել է։

Տեղական լրատվամիջոցների փոխանցմամբ՝ նրան կարող է սպառնալ մինչև երեք տարվա ազատազրկում։

Միաժամանակ, Վրաստանի իրավապահ մարմինները դեռևս չեն հաստատել այն պնդումները, թե զբոսաշրջուհին և նրա ուղեկիցները վիրավորել են հարսանիքի մասնակիցներին կամ վնասել նրանց գույքը։ 

Դեպքի վերաբերյալ քննությունը շարունակվում է։