Մուրացանի փողոցում սպանության դեպք․ մեկ անձ ձերբակալվել է

Երևանի Մուրացանի փողոցում կրակոցների դեպքի առթիվ մեկ անձ ձերբակալվել է, հայտնում են Քննչական կոմիտեից։

Հիշեցնենք, որ երեկ՝ հուլիսի 18-ի երեկոյան, Երևանում՝ Մուրացանի փողոցում, կրակոցներ էին հնչել, ինչի հետևանքով մեկ մարդ զոհվել էր։

ՀՀ ՆԳ նախարարությունից հայտնել էին, որ ձեռնարկվում են միջոցառումներ միջադեպի բոլոր հանգամանքները պարզելու ուղղությամբ։

Ոստիկանությունից հայտնել էին, որ հուլիսի 18-ին՝ ժամը 21։18-ին, «112» օպերատիվ կառավարման կենտրոն ահազանգ էր ստացվել Մուրացանի փողոցում տեղի ունեցած միջադեպի վերաբերյալ։

Դեպքի վայր մեկնած ոստիկանության օպերատիվ խմբերը հայտնաբերել էին դի։ Իրականացվում էին անհետաձգելի օպերատիվ-հետախուզական միջոցառումներ՝ դեպքի հանգամանքները պարզելու նպատակով։