Իրանը հրադադարի ընթացքում նավթի վաճառքից վաստակել է մինչև 6 միլիարդ դոլար

Իրանը ԱՄՆ-ի հետ հրադադարի ժամանակահատվածում նավթի արտահանումից ստացել է շուրջ 5–6 միլիարդ դոլար եկամուտ։ Այս մասին հայտնում է The Wall Street Journal-ը։

Հրապարակման համաձայն՝ այդ ընթացքում Իրանը արտահանել է մոտ 70 միլիոն բարել նավթ։

Նշվում է, որ Թեհրանը պատժամիջոցները շրջանցելու համար կիրառել է նավթի տեղափոխման հատուկ սխեմա՝ այն մի լցանավից մյուսը վերալիցքավորելով։

ԱՄՆ-ի սահմանած պատժամիջոցների պայմաններում Իրանը երկար տարիներ օգտագործում է տարբեր մեխանիզմներ՝ նավթի արտահանումը շարունակելու և միջազգային շուկաներում վաճառքը պահպանելու համար։