Խափանումներ՝ «Facebook»-ի և «Instagram»-ի աշխատանքում

Meta ընկերությանը պատկանող հայտնի սոցիալական ցանցերում՝ Facebook-ում և Instagram-ում, խափանում է գրանցվել։

Աշխարհի տարբեր երկրներից օգտատերերը հայտնում են, որ չեն կարողանում մուտք գործել իրենց հաշիվներ կամ օգտվել հարթակների որոշ գործառույթներից։

Խնդիրների մասին հաղորդում են հազարավոր օգտատերեր։ Այս պահին Meta ընկերությունը պաշտոնական մեկնաբանություն չի ներկայացրել խափանման պատճառների վերաբերյալ։

Սոցիալական ցանցերի աշխատանքում նման խափանումները պարբերաբար տեղի են ունենում և կարող են կապված լինել տեխնիկական խնդիրների կամ սերվերների աշխատանքի խափանման հետ։