Ռոնալդուն խոսել է որդու կորստի մասին․ ֆուտբոլիստը երեխայի մահից հետո առաջին գոլն է խփել
Պորտուգալացին գոլի հեղինակ դարձավ 34-րդ րոպեին Նեմանյա Մատիչի փոխանցումով։ Նրա գոլից հետո լոնդոնցիների առավելությունը կրճատվեց մեկ գնդակի։ Տանտերերը Նունո Տավարեսի և Բուկայո Սակայի գոլերի շնորհիվ առջեւում են 2-1 հաշվով։ Այս մասին հայտնում է sportmail.ru-ն։
Ռոնալդուի համար «Արսենալի» հետ խաղն առաջինն էր նորածին որդու մահից հետո։ Պորտուգալացին խոսել է ապրիլի 18-ին երեխայի կորստի մասին։ Նա կատարվածն անվանել է ամենամեծ ցավը, որ կարող են ապրել ծնողները, և նշել, որ դստեր ծնունդը նրանց ուժ է տալիս։
Ֆուտբոլիստը հայտարարել է, որ իր հարսնացուն՝ Ջորջինա Ռոդրիգեսը երկվորյակների էր սպասում անցյալ տարվա դեկտեմբերին։ Երկրորդ ծնված երեխան՝ աղջիկը, իրեն լավ է զգում։
