Ալեքփերովը խոսել է «ЛУКОЙЛ»-ից հեռանալու պատճառների մասին
«ЛУКОЙЛ» ընկերության հիմնադիր Վագիտ Ալեքփերովը ընկերության նախագահի պաշտոնը լքելու որոշումը բացատրել է անձնական պատժամիջոցների պատճառով դրա զարգացմանը չխոչընդոտելու ցանկությամբ։ Այս մասին գրում է Kommersant-ը:
Նրա խոսքով, ինքը չի պատրաստվում հեռանալ Ռուսաստանից և բարեգործությամբ է զբաղվելու։
«Բոլորը գիտեն, որ բրիտանական և ավստրալական պատժամիջոցներ են կիրառվել իմ նկատմամբ, ուստի դա այսօր խանգարում է ընկերության զարգացմանը։ Պատժամիջոցները վերաբերում են ոչ թե «ЛУКОЙЛ»-ին, այլ անձամբ ինձ, ուստի որոշեցի հեռանալ ընկերության գործունեությունից։
Այսօր ես խորհրդի անդամ չեմ, ընկերության նախագահ, տնօրենների խորհրդի անդամ։ Հետևաբար, ընկերությունն այսօր ինձ հետ կապված չէ։ Եվ ես չունեմ վերահսկիչ փաթեթ, այնպես որ ընկերությունը կարող է հանգիստ զարգանալ», - ասել է նա «Россия 24»-ի եթերում:
Ավելի վաղ ռուսաստանցի գործարար, «ЛУКОЙЛ» ընկերության համասեփականատեր, հիմնադիր և նախագահ Վագիտ Ալեքփերովը հայտնել է պաշտոնն ազատելու և ընկերության տնօրենների խորհրդի կազմից դուրս գալու մասին:
