Իսպանիայում մահացած են գտել Novatek-ի տնօրենների խորհրդի նախկին փոխնախագահին
Novatek-ի տնօրենների խորհրդի նախկին փոխնախագահ Սերգեյ Պրոտոսենյային կնոջ և դստեր հետ մահացած են գտել Իսպանիայում, հայտնում է իսպանական Telecinco հեռուստաալիքը, փոխանցում է Ռիա Նովոստին։
Հեռուստաալիքի տվյալներով՝ ընտանիքին գտել են Կատալոնիայի շրջանի Լլորետ դե Մար քաղաքի իրենց տանը։
Ըստ ոստիկանության նախնական վարկածի՝ տղամարդը սպանել է դստերն ու կնոջը, երբ նրանք քնած են եղել, իսկ հետո ինքնասպան եղել։
