Ինչու է Սաուդյան Արաբիայի թագաժառանգը բղավել Բայդենի խորհրդականի վրա․ «Վզգլյադ»

«ԱՄՆ-արաբական հարաբերությունները սրվել են մի շարք առանցքային հարցերի շուրջ Ջո Բայդենի դիրքորոշման պատճառով: Իսկ եթե Ուկրաինայում հակամարտությունն ավարտվի Վաշինգտոնի պարտությամբ, ապա սաուդցիների և ամերիկացիների միջև դիվանագիտական ​​հարաբերությունները կարող են զրոյացվել»,- «ՎԶԳԼՅԱԴ» թերթին ասել է քաղաքական վերլուծաբան Մալեք Դուդակովը։ 

Ըստ Vz.ru-ի՝ ավելի վաղ Սաուդյան Արաբիայի թագաժառանգը բղավել էր ԱՄՆ ազգային անվտանգության հարցերով խորհրդական Ջեյք Սալիվանի վրա և հրաժարվել էր ավելացնել նավթի արդյունահանումը։ 

«Կա մի քանի պատճառ, թե ինչու են վնասվել հարաբերությունները: Նախ, Ջո Բայդենը Եմենի հակամարտության հարցում շատ ավելի կոշտ էր, քան Դոնալդ Թրամփն իր ժամանակներում։ Երկրորդ՝ Բայդենը քննադատել է լրագրող Խաշոգջիի սպանությունը, ինչը կրկին Թրամփն իրեն թույլ չի տվել։ Եվ երրորդ՝ Բայդենը գաղտնազերծեց 2001 թվականի սեպտեմբերի 11-ի հարձակումների մասին փաստաթղթերը, ըստ որոնց՝ դրանցում ներգրավված է եղել Սաուդյան Արաբիան։ Բայց Աֆղանստանի ճգնաժամը սաուդցիների համբերության վերջին կաթիլն էր», - ասում է ամերիկացի քաղաքագետ Մալեք Դուդակովը: