Շանհայում Volkswagen-ի աշխատակիցները Covid-19-ի պատճառով արգելափակվել են գործարանում
Շանհայում Volkswagen Group-ի գործարանում փակված աշխատողների համար զբաղմունք են մտածել այն բանից հետո, երբ գործարանում արտադրությունը դադարեցվել է քաղաքում հայտարարված լոքդաունի պատճառով, հայտնում է Automotive News-ը:
Շանհայում Volkswagen գործարանն ապրիլի 1-ից դադարեցրել է աշխատանքը, սակայն աշխատակիցների մի մասը շուրջօրյա հերթապահում էր ձեռնարկությունում՝ աշխատանքային գործընթացները պահպանելու համար։ Սակայն որոշ ժամանակ անց գործարանի ղեկավարությունը փոխեց իր ծրագրերը և ամբողջությամբ դադարեցրեց արտադրությունը։ Կարանտինի պատճառով չկարողանալով տուն վերադառնալ՝ բանվորները դեռ աշխատավայրում են։
Աշխատակիցներին ինչ-որ կերպ զբաղեցնելու համար ընկերությունը կազմակերպել է խմբակային միջոցառումներ, որոնք սկսվում են ժամը10-ին գործարանի շուրջ զբոսանքով: Դրան հաջորդում է ճաշն ու հանգիստը, ֆիլմերի դիտումը, ինչպես նաև ազատ ժամանակը։ Ժամը 16-ին բանվորները գնում են մարզասրահ։
Հետո աշխատակիցները լոգանք են ընդունում, ընթրում, հետո նորից ֆիլմ են դիտում ու գնում քնելու։ Ամեն առավոտ սկսվում է կորոնավիրուսի արագ թեստով։ Թե երբ նրանք կկարողանան տուն վերադառնալ, հայտնի չէ։
