«Մենք հասել ենք սահմանագծին». Գերմանիան այլևս չի կարող իր պաշարներից զենք մատակարարել Ուկրաինային
«Մենք հասել ենք այն սահմանին, որից այն կողմ սկսվում է ազգային պաշտպանության ապահովումը և Հյուսիսատլանտյան դաշինքի պաշտպանությունը»,- պարզաբանել է Գերմանիայի ՊՆ ղեկավարը՝ հավելելով, որ խոսքը Ուկրաինային ուղղակի դաշնային պաշարներից զենք և զինամթերք մատակարարելու մասին է։
Այս մասին գրում է ռուսական RTVI-ին։
Բունդեսվերի պաշտպանունակությունը պահպանելու համար մատակարարումները պետք է իրականացվեն ռազմական արդյունաբերության աշխատանքի հաշվին, ասել է Լամբրեխտը։ Նրա խոսքով, Բեռլինը մշտապես քննարկում է այդ հարցը Կիևի հետ։
«Սահմանափակումները, որոնք առաջացել են, չեն նշանակում, որ մենք չենք կարող ավելին անել Ուկրաինայի համար։ Հիմա ճշտում ենք, թե ինչ ծավալների զենք-զինամթերք կարող է տրամադրել ռազմարդյունաբերությունը»,- վստահեցրել է նախարարը։
Լամբրեխտը հաստատել է, որ Ուկրաինային զենք ու զինամթերք մատակարարելու մասին բոլոր տեղեկությունները դեռ գաղտնի են։ «Կան հիմնավոր պատճառներ այս հարցում մանրամասներ չներկայացնելու համար», - ասել է Գերմանիայի պաշտպանության նախարարության ղեկավարը։
Նա հաստատել է, որ Գերմանիան սկսել է զենք մատակարարել Ուկրաինային Կիևի ուղղակի խնդրանքով։ «Կան հստակ հայտարարություններ իմ ուկրաինացի գործընկերոջ, նրա տեղակալի և ռազմական կցորդի կողմից»,- ասել է Լամբրեխտը։
Նրա խոսքով, «միշտ պետք է հիշել, որ այն պահին, երբ կհրապարակվեն մատակարարումների տվյալները, այդ տեղեկությունը կունենա նաև Ռուսաստանը, և դա կունենա ռազմավարական հետևանքներ»։
Ուկրաինան զենքի մատակարարումներ է ստացել նաև ԱՄՆ-ից։ Երկու շաբաթ առաջ՝ մարտի 25-ին, հայտնի է դարձել, որ Կիևը Վաշինգտոնից խնդրել է հարյուրավոր հակաօդային և հակատանկային հրթիռներ, քան նախկինում խնդրել էր։
Ինչպես հայտնում է CNN-ը, հատուկ գործողության մեկնարկից հետո երկու շաբաթվա ընթացքում ԱՄՆ-ն Ուկրաինային է մատակարարել մոտ 17000 հակատանկային հրթիռ և 2000 հակաօդային հրթիռ։
Ռազմական գործողությունների սկսվելուց մեկ ամիս անց էլ Ուկրաինայի նախագահ Վլադիմիր Զելենսկին ՆԱՏՕ-ի երկրներին խնդրել է ավելի շատ ծանր սպառազինություն տրամադրել Կիևին, մասնավորապես՝ տանկեր և հակահրթիռային պաշտպանության համակարգեր, քանի որ ուկրաինական կողմը չունի «հզոր հակահրթիռային զենք» և ունի ավելի քիչ ինքնաթիռ, քան Ռուսաստանը։
Ըստ Զելենսկու՝ ՆԱՏՕ-ի բոլոր սպառազինությունների «1%-ը օդանավերի և 1%-ը տանկերի» բավարար կլինի Ուկրաինայի համար։
