Նոր մանրամասներ՝ Ստեփանակերտում հրազենային վնասվածքով ձերբակալված հայազգի տղամարդու մասին
Ըստ Ադրբեջանի ներքին գործերի նախարարության՝ Ստեփանակերտում ձերբակալվել է հայազգի բնակիչ Կարեն Ալբերտովիչ Ավանեսյանը (ծնված 1967 թվականին), ով դուրս է եկել իր տնից և ուղևորվել քաղաքի մոտ գտնվող անտառային տարածք։
«Հայազգի տղամարդը իր հետ վերցրել է Կալաշնիկովի ինքնաձիգ և 4 փամփուշտատուփ, ինչպես նաև 5 նռնակ: Տղամարդը փորձել է մոտենալ Խանքենդիում (օկուպացված Ստեփանակերտում) տեղի ունեցող միջոցառմանը, սակայն ձերբակալվել է ոստիկանության աշխատակիցների կողմից։ Փաստի հիման վրա գլխավոր դատախազության և պետական անվտանգության ծառայության հետ համատեղ հարուցվել է քրեական գործ, և իրականացվում են օպերատիվ-հետախուզական միջոցառումներ»,- ասվում է հայտարարության մեջ։
Հիշեցնենք՝ ձերբակալման ժամանակ Կ. Ավանեսյանը զինված դիմադրություն է ցույց տվել ոստիկանությանը՝ նետելով երեք ձեռքի նռնակ կրակ է բացել ինքնաձիգից։ Պատասխան կրակի հետևանքով Ավանեսյանը վիրավորվել է և ձերբակալվել։
