Ամռանը, գարնանը և վաղ աշնանը օդի որակը հիմնականում տատանվում է «լավ» շրջակայքում․ Ավինյան
Բնապահպանության ոլորտում խնդիրներ ենք ունենում հիմնականում ձմռան ամիսներին, որի ընթացքում օդի աղտոտվածության ցուցանիշները բավականին մտահոգիչ են դառնում։ Այս մասին լրագրողների հետ հանդիպմանն ասել է Երևանի քաղաքապետ Տիգրան Ավինյանը։
«Որքան էլ մեզ թվում է, թե ավելի տաք ամիսներին փոշին շատ է, այդուհանդերձ օդի որակը չափող 160 սարքերը ցույց են տալիս, որ հիմնական խնդիրը ձմռան ամիսներին է։
Ամռան ամիսներին, գարնանը և վաղ աշնանը մենք նմանատիպ խնդիր չունենք, օդի որակը հիմնականում տատանվում է «լավ» շրջակայքում, խնդրահարույց որևէ բան չունենք»,-ասել է Ավինյանը։
