Լենինգրադի մարզում գնացքը դուրս է եկել գծերից
Լենինգրադի մարզի Գատչինայի շրջանի Սեմրինո կայարանի մոտակայքում դիզելային շոգեքարշը դուրս է եկել ռելսերից։ Մեքենավարը մահացել է շտապօգնության մեքենայում, հայտնել է մարզի նահանգապետ Ալեքսանդր Դրոզդենկոն։
«Լուժսկի շրջան են ժամանել սակրավորներ, և քննիչները ստուգում են դիվերսիայի վարկածը։ Սանկտ Պետերբուրգից արտակարգ իրավիճակի վայր են ուղարկվել երկու շտապօգնության մեքենաներ, իսկ Սիվերսկայա-Լուգա հատվածի մերձքաղաքային գնացքները չեղարկվել են: Գնացքների երթևեկությունը երկու ուղղություններով էլ արգելափակված է: 10 մերձքաղաքային գնացքների երթևեկությունը հետաձգվել է», - հավելել է Դրոզդենկոն: Գատչինայի շրջանում իրավապահ մարմինները ուժեղացրել են իրենց աշխատանքը բոլոր տեսակի տրանսպորտի վրա, և Լուգա-Գատչինա-Սանկտ Պետերբուրգ երթուղով ավտոբուսների թիվը կավելանա, նշել է շրջանի ղեկավարը:
Ավելի ուշ ուկրաինական լրատվամիջոցները՝ հղում անելով հատուկ ծառայությունների աղբյուրներին գրել են Ռուսաստանում երկաթուղային գծերի վրա պայթյունները կազմակերպվել են Ուկրաինայի գլխավոր հետախուզական վարչության և հատուկ գործողությունների ուժերի կողմից:
Նրանց հայտարարության համաձայն՝ երեկ Կուրսկ-Օրյոլ երկաթուղու վրա ականներ են տեղադրվել։ Ականազերծման ժամանակ զոհվել են Ռուսաստանի գվարդիայի սակրավորները։
