Երևանում սեպտեմբերի սկզբին կարողացել ենք ավելի նվազ խցանումներ ունենալ․ քաղաքապետ
Այս տարվա սեպտեմբերի մի քանի օրվա երթևեկության խցանումների թիվը մոտ 18%-ով ավելի պակաս է նախորդ տարվա սեպտեմբերի թվի հետ համեմատած։ Այս մասին մամուլի ասուլիսի ժամանակ հայտնել է Երևանի քաղաքապետ Տիգրան Ավինյանը։
«Սա կարևոր արձանագրում է՝ ավտոբուսի գծերն ավելացել են, ավտոբուսներն ավելացել են, երթևեկության փոփոխություններ ենք իրականացրել, դպրոցների ժամն ենք 15 րոպե առաջ բերել։ Սա բերել է նրան, որ Երևանում սեպտեմբերի սկզբին կարողացել ենք ավելի նվազ խցանումներ ունենալ»,-ասել է Ավինյանը։
