ԵՄ-ի բնակիչները կարող են հայտնվել սովի վտանգի առջև. Farda

Իրանական Farda հրատարակությունը գրում է, որ ԵՄ-ի բնակիչները կարող են հայտնվել սովի վտանգի առջեւ։

Նյութը մեջբերում է Լեհաստանի նախկին վարչապետ Դոնալդ Տուսկի կանխատեսումը, ըստ որի` մոտ ապագայում իր երկրում հացի գինը կարող է քառապատկվել։  Դա պայմանավորված է Ուկրաինայում ցանքատարածության խաթարմամբ։

Մյուս վտանգավոր միտումը վառելիքի թանկացումն է։  Եթե ​​ԵՄ-ը զիջումների չգնա Ռուսաստանին ու գազը ռուբլով չգնի, գներն էլ ավելի կբարձրանան։  Սա կազդի էներգիայի և ավտոմեքենայի վառելիքի արժեքի վրա:

Վերջին հաշվով, շատ այլ ապրանքներ, այդ թվում՝ պարենային ապրանքները, կթանկանան։

Վերոնշյալ բոլոր խնդիրների և Եվրոպայի համար դրանց կարևոր նշանակության պատճառով շատ հավանական է, որ եվրոպացի քաղաքական գործիչներն ու կառավարությունները շատ մոտ ապագայում ստիպված կլինեն «փոխզիջման գնալ սկզբունքների հարցում, վստահ են իրանցի լրագրողները։