Ռուս-ուկրաինական բանակցողների մոտ թունավորման ախտանիշներ են եղել
Աբրամովիչի և ուկրաինացի բանակցողների մոտ թունավորման ախտանիշներ են եղել: Այս մասին գրում է BBC-ն` հղում անելով WSJ-ին և Bellingcat-ին:
Ռոման Աբրամովիչի, ով ռուսական կողմից մասնակցում է հրադադարի բանակցություններին, և ուկրաինական կողմի բանակցողների մոտ թունավորման ախտանիշներ են առաջացել այս ամսվա սկզբին` Կիևում հանդիպումից հետո։ Կարճ ժամանակ անց Bellingcat-ը (Ռուսաստանում «օտարերկրյա գործակալ» է ճանաչվել) Wall Street Journal-ին հաստատել է տեղեկությունը Twitter-ի իր միկրոբլոգում։
Wall Street Journal-ի թղթակիցները գրում են, որ Աբրամովիչի և ուկրաինական պատվիրակության երկու անդամների մոտ աչքի կարմրություն, արցունքահոսություն, դեմքի և ձեռքերի մաշկի կլեպ է նկատվել։ Նրանց վիճակն ավելի ուշ լավացել է, կյանքին վտանգ չկա։ Ուկրաինայի նախագահ Վլադիմիր Զելենսկու խոսնակն ասել է, որ տեղյակ չէ նման միջադեպի մասին։
