Փառուխի և Քարագլուխ բարձունքի հատվածում այժմ գտնվում է շուրջ 150 ադրբեջանցի․ «Ազատագրում»

«Ազատագրում» շարժումը հատնում է․ «Փառուխի և Քարագլուխ բարձունքի հատվածում այժմ գտնվում է շուրջ 150 ադրբեջանցի: Այդ ուղղության վրա թշնամին ռազմական տեխնիկա չունի»։

Նշենք, որ տեղեկությունը ոչ պաշտոնական է։ 

Հիշեցնենք՝ քիչ առաջ Արցախի տեղեկատվական շտաբը հայտարարություն է տարածել, որում ասվում է․ 

«Մարտի 27-ի երեկոյան և 28-ին՝ ժամը 12։00 դրությամբ օպերատիվ-մարտավարական իրադրությունը շփման գծի ամբողջ երկայնքով, այդ թվում` նաև շփման գծի արևելյան հատվածում, հարաբերական կայուն է, հրադադարի էական խախտումներ չեն արձանագրվել:

Ասկերանի շրջանի Փառուխ գյուղն այժմ գտնվում է Արցախում տեղակայված ռուս խաղաղապահ զորակազմի վերահսկողության գոտում։

Շնորհիվ Արցախի զինված ուժերի խիզախ ջանքերի՝ հայկական կողմին հաջողվել է կասեցնել ադրբեջանական զինված ուժերի ստորաբաժանումների առաջխաղացումը և պահպանել Քարագլուխ լեռան հիմնական մասի հանդեպ տիրապետումը։

Ադրբեջանական զորքերը շարունակում են մնալ Քարագլխի մի հատվածում ամրացված դիրքերում։

Աշխատանքները ռուս խաղաղապահ զորակազմի հրամատարության հետ ադրբեջանական կողմի՝ ելման դիրքեր վերադառնալու շուրջ շարունակվում են»: