ԱՄՆ-ը մտադիր չէ փոխել Ռուսաստանի ղեկավարությունը. Բայդենը՝ իր խոսքերի մասին
ԱՄՆ նախագահ Ջո Բայդենը կրկին խոսել է ՌԴ նախագահ Վլադիմիր Պուտինի վերաբերյալ իր հայտարարության մասին, ըստ որի՝ ՌԴ նախագահը չի կարող մնալ իշխանության ղեկին։
Նա պարզաբանել է, որ իր խոսքերը չեն վերաբերում ԱՄՆ քաղաքականության փոփոխությանը, այլ ընդամենը հույզեր են արտահայտում: Բայդենի խոսքով՝ ԱՄՆ-ն մտադիր չէ փոխել Ռուսաստանի ղեկավարությունը:
«Ես ոչ մի բառ հետ չեմ վերցնում։ Ես բարոյական վրդովմունք եմ հայտնել Պուտինի պահվածքի և այս մարդու գործողությունների համար։ Ես ո՛չ այն ժամանակ, ո՛չ հիմա չեմ խոսել քաղաքականության փոփոխությունների մասին։ Ես ներողություն չեմ խնդրում իմ խոսքերի համար»։
