«Գլխավոր քաղաքական հարցերում մենք փաստացի դոփում ենք տեղում». Մեդինսկի

Ռուսաստանն ու Ուկրաինան բանակցություններում երկրորդական հարցերի շուրջ մերձենում են դիրքորոշումները, սակայն գլխավոր քաղաքական հարցերի շուրջ փաստացի դոփում են տեղում: Ինչպես տեղեկացնում է ՏԱՍՍ-ը, լրագրողներին այս մասին հայտնել է ՌԴ պատվիրակության ղեկավար, նախագահի օգնական Վլադիմիր Մեդինսկին:

«Բանակցություններն ընթացել են ամբողջ շաբաթ` երկուշաբթիից ուրբաթ տեսակապի միջոցով, և կշարունակվեն վաղը: Բանակցությունները ընթանում են տեսակապի միջոցով փորձագիտական խմբերի միջև, շաբաթը երկու-երեք անգամ պատվիրակությունների ղեկավարների միջև, վերջին անգամ դա եղել է անցյալ գիշեր: Հիմա երկրորդական հարցերում դիրքորոշումները մերձենում են, սակայն գլխավոր քաղաքական հարցերում մենք փաստացի դոփում ենք տեղում», - ասաց Մեդինսկին: